Bu mərhələdə müsabiqədə iştirak üçün qeydiyyatdan keçmiş ümumtəhsil məktəblərinin komandalarına müsabiqə mövzuları və layihələrin yazılma qaydaları ilə tanışlıq məqsədilə Ekologiya və Təbii Sərvətlər Nazirliyi, Kənd Təsərrüfatı Nazirliyi, Azərbaycan Qida Təhlükəsizliyi İnstitutu, Səhiyyə Nazirliyinin İctimai Səhiyyə və İslahatlar Mərkəzi, ADA Məktəbi, Su və Meliorasiya Elmi Tədqiqat İnstitutu və “Regional İnkişaf” İctimai Birliyinin məsul əməkdaşları tərəfindən onlayn vebinarlar keçilir.

İyun ayı ərzində davam edəcək vebinarlar biomüxtəlifliyin qorunması və bərpası, tullantıların minimuma endirilməsini və təkrar emalını təmin edən təcrübələrin və texnologiyaların tətbiqi, iqlim dəyişikliyi təsirlərinin azaldılmasında icma təşəbbüsləri və təbliğat tədbirləri, yüksək temperatur, yağıntıların dəyişməsi və ekstremal hava hadisələrinin tezliyinin məhsulların məhsuldarlığına və keyfiyyətinə təsirləri, ekoloji tarazlığın bərpası, ətraf mühitin mühafizəsi, qlobal iqlim dəyişikliklərində antropogen (insan faktoru) təsirlərinin azaldılması üçün alternativ əkinçilik texnologiyalarının tətbiqi, su hövzələrinin qorunmasında quraqlığa davamlı bitki sortlarının yetişdirilməsi, qlobal iqlim dəyişikliyinin uşaqların sağlamlığına təsirləri və bu təsirlərin azaldılması yolları, sağlam qida mədəniyyətinin formalaşdırılması, ekoloji problemlərin həllində innovativ texnologiyaların tətbiqi, su mənbələri və resurslarından qənaətlə istifadənin təşviqi və digər vacib ekoloji mövzuları əhatə edir.

Qeyd edək ki, “Qlobal iqlim dəyişikliyinin uşaqların sağlamlığına təsirləri” layihəsinin məqsədi ölkəmizdə 2024-cü il “Yaşıl dünya naminə həmrəylik ili” elan edilməsi nəzərə alınaraq, bütün dünyanı narahat edən qlobal problemlərdən biri kimi iqlim dəyişikliyi və onun təsirləri barədə məktəbliləri maarifləndirmək, onları bu problemin həllində iştiraka və sağlam gələcək naminə ideyalarını bölüşərək həllər irəli sürməyə təşviq etməkdir. 

Müsabiqənin nəticələrinə əsasən ən uğurlu 5 layihə qalib elan olunacaq və həmin komandalara layihənin icrası üçün pul mükafatı veriləcək.

Layihə Ekologiya və Təbii Sərvətlər Nazirliyi, Kənd Təsərrüfatı Nazirliyi, Səhiyyə Nazirliyi, Ailə, Qadın və Uşaq Problemləri üzrə Dövlət Komitəsi, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi, Azərbaycan Qida Təhlükəsizliyi İnstitutu, Səhiyyə Nazirliyinin İctimai Səhiyyə və İslahatlar Mərkəzi, Su və Meliorasiya Elmi Tədqiqat İnstitutu, Azərbaycan Sənaye Korporasiyası, ADA Məktəbi, Azərbaycan Mühəndislik Akademiyasi və “AzerGold” QSC-nin dəstəyi ilə icra olunur.