Müəllimlərə inklüziv təhsillə bağlı praktik səriştələr və metodik bacarıqlar aşılayan, eləcə də onları tətbiqi alətlərlə təmin edən təlim proqramı fərqli əlillik formalarında olan şagirdlərin ehtiyac və maraqlarına, sosial-psixoloji və sağlamlıq vəziyyətlərinə uyğun təhsil ehtiyaclarını qarşılamaq məqsədilə layihə üzrə mütəxəssis qismində cəlb edilmiş türkiyəli ekspert, Yenilikçi Öğrenme Merkezinin təsisçisi Kayhan Karlı, inklüziv təhsil üzrə ekspertlər Gülşən Eminova və Lamiə Hacımuradova tərəfindən hazırlanıb.

Qeyd edək ki, proqram əsasında indiyədək ölkə üzrə 20-dən çox peşəkar təlimçi və pilot inklüziv orta məktəblərdə çalışan, ümumilikdə 270 nəfərdən çox müəllim təlimlərdən keçib.