“İnklüziv təhsil dəyərlərdən başlayır!” adlı sosial çarxın əsas ideyası inklüziv cəmiyyətin inkişafında əlilliyi olan və olmayan uşaqların birgə fəaliyyətinin vacibliyini vurğulamaq və inklüziv dəyərləri cəmiyyətə aşılamaqdır.

Qeyd edək ki, 2006-cı ildə “Əlilliyi olan şəxslərin hüquqları haqqında” BMT-nin Konvensiyasına qoşulan Azərbaycanda əlilliyi olan şəxslərin hüquqlarının qorunması, onların sosial təminatlarının gücləndirilməsi, reabilitasiyası, cəmiyyətə inteqrasiya imkanlarının artırılması və digər istiqamətlərdə mühüm işlər həyata keçirilir. 

 “Müəllimlərin inklüziv təhsil sahəsində bacarıqlarının artırılması” layihəsi də ölkədə inklüziv təhsil üzrə müəllim hazırlığı və ixtisasartırmaya dəstək olmaqla yanaşı, əlilliyi olan şəxslərə qarşı mövcud streotiplərin aradan qaldırılması, onların bərabərhüquqlu üzv kimi cəmiyyətə inteqrasiyası baxımından əhəmiyyətlidir.