150 +994505000150

“Regional İnkişaf” İctimai Birliyi təsviri sənət üzrə təlimlər təşkil edib

09 iyun 2018
Paylaş
“Regional İnkişaf” İctimai Birliyi təsviri sənət üzrə təlimlər təşkil edib

Heydər Əliyev Fondunun “Regional İnkişaf” İctimai Birliyinin (RİİB) təşkilatçılığı və Azərbaycan Dövlət Rəssamlıq Akademiyasının dəstəyi ilə Göyçay, Lerik və Qusar rayonlarında yeniyetmə və gənclər üçün təsviri sənət növləri üzrə təlimlər təşkil edilib.

RİİB-ə üç rayon üzrə daxil olan müraciətlər müsabiqə əsasında seçilib və ümumilikdə 150 iştirakçı iyunun 1-dən 9-dək nəzəri və praktik təlimlərə cəlb edilib.  Azərbaycan Dövlət Rəssamlıq Akademiyasının müəllim-tələbə heyəti tərəfindən aparılan təlimlərdə yeniyetmə və gənclərə rəngkarlıq, xalçaçılıq sənətlərinin incəlikləri öyrədilib. Təlimlərin sonunda iştirakçılara sertifikatlar təqdim olunub.

Qeyd edək ki, layihə regionlarda istedadlı gəncləri üzə çıxarmaq, onların təsviri sənət növləri üzrə bacarıqlarını inkişaf etdirmək məqsədi daşıyır.

Bundan əvvəl Ağdam, Zaqatala və Sabirabad rayonlarında həyata keçirilən layihənin respublikanın digər bölgələrində də davam etdirilməsi nəzərdə tutulur.