Azərbaycanda səfərdə olan marakeşli gənclər “Regional İnkişaf” İctimai Birliyinin qonağı olublar
19 avqust 2025
Paylaş

Azərbaycan Respublikası Gənclər və İdman Nazirliyi və Mərakeş Krallığının Gənclər, Mədəniyyət və Kommunikasiya Nazirliyinin birgə təşkilatçılığı ilə həyata keçirilən Azərbaycan–Mərakeş gəncləri arasında mübadilə proqramı çərçivəsində 15–26 avqust tarixlərində ölkəmizdə olan mərakeşli gənclər “Regional İnkişaf” İctimai Birliyinin ofisini ziyarət ediblər.
Görüş zamanı İctimai Birliyin Layihələr və könüllülərlə iş şöbəsinin müdiri Adilə Əliyeva Abdullayeva tərəfindən qurumun fəaliyyət istiqamətləri, layihələr və gənclərlə iş istiqamətində görülən işlər barədə qonaqlara təqdimat keçirilib. Daha sonra iştirakçılarla birlikdə şöbələrin fəaliyyəti ilə tanış olublar. Proqram çərçivəsində mərakeşli gənclər RİİB könüllüləri ilə birgə eko-çantaların rənglənməsi master-klassında iştirak ediblər. Sonra gənclər Hərbi Qənimətlər Parkına ekskursiya edib.
Gənclərin asudə vaxtlarının təşkili məqsədilə qonaqlar RİİB könüllüləri ilə birlikdə Bakı Əyləncə Mərkəzində vaxt keçiriblər.
Günün sonunda qonaqlara “Regional İnkişaf” İctimai Birliyi tərəfindən hədiyyələr təqdim olunub.
Gənclərin asudə vaxtlarının təşkili məqsədilə qonaqlar RİİB könüllüləri ilə birlikdə Bakı Əyləncə Mərkəzində vaxt keçiriblər.
Günün sonunda qonaqlara “Regional İnkişaf” İctimai Birliyi tərəfindən hədiyyələr təqdim olunub.