Konfransın məqsədi beynəlxaq mütəxəssislərin təqdimatında autizm haqqında müasir elmi araşdırmaları, həmçinin autizmə effektiv müdaxilə metodları, autizmli şəxslərin inklüziv təhsilə cəlb edilməsi və onlar üçün dayanıqlı məşğulluq imkanları haqqında yenilikləri əlaqədar sahələrdə çalışan yerli mütəxəssislərin diqqətinə çatdırmaq, həmçinin autizm haqqında maarifləndirmə aparmaq olub.

3 gün davam edən konfransın ilk günü Bakı Slavyan Universitetində autizmlə bağlı müxtəlif mövzulara həsr olunan 10 praktik seminar təşkil edilib.

Konfransın növbəti günləri Heydər Əliyev Mərkəzində baş tutub.

Açılış tədbirində çıxış edən Ailə, Qadın və Uşaq Problemləri üzrə Dövlət Komitəsinin sədri Bahar Muradova qeyd edib ki, övladlarına autizm diaqnozu qoyulmuş ailələrin sosial qayğılarının azaldılması, valideynlərin lazımi səriştələr qazanması məqsədilə dövlət qurumları tərəfindən bir sıra tədbirlər həyata keçirilir və bu tədbirlərin ölkə miqyasında yayılması üçün xüsusi səylər göstərilir.

Elm və təhsil nazirinin müavini Firudin Qurbanov autizmli uşaqların inklüziv təhsilə cəlb edilməsi, həmçinin təhsilverənlərin bu sahədə peşəkar inkişafı üçün Elm və Təhsil Nazirliyinin həyata keçirdiyi tədbirlərdən bəhs edib.

Daha sonra “Regional İnkişaf” İctimai Birliyinin Beynəlxalq təşkilatlarla əməkdaşlıq şöbəsinin müdiri Gülbağda Leysanova Hacıyeva autizmli şəxslərin keyfiyyətli təhsilə çıxış imkanlarının artırılmasının, onların cəmiyyətə inteqrasiyası və əmək məşğulluğunun təmin olunmasının vacibliyini vurğulayaraq, bu prosesdə inklüziv təhsilin mühüm rol oynadığını qeyd edib və İctimai Birliyin bu sahədə həyata keçirdiyi davamlı layihə və tədbirlər barədə məlumat verib.

Ardınca “Birgə və Sağlam” İctimai Birliyinin sədri Aytən Eynalova, “Birgə və Sağlam” İctimai Birliyinin sədri Aytən Eynalova, Bakı Slavyan Universitetinin (BSU) rektoru Anar Nağıyev, "Azərbaycan Hava Yolları" QSC-nin (AZAL) prezidentinin müşaviri Fidan Fərzəliyeva, bp-nin Azərbaycan, Gürcüstan, Türkiyə regionu üzrə şirkətxarici kommunikasiyalar rəhbəri Tamam Bayatlı, “Kapital Bankın” İdarə Heyətinin üzvü Fərid Hidayətzadə konfransın elm və təhsil ictimaiyyətinin peşəkar inkişafındakı rolunu vurğulayıblar.

Rəsmi açılış hissəsindən sonra “Birgə və Sağlam” İctimai Birliyinin “Mavi Ürəklər” inklüziv musiqi qrupu konsert proqramı ilə çıxış edib.

Daha sonra konfrans spikerlərinin çıxışına yer verilib. 2 gün davam edən konfransda ABŞ, İsveç, Norveç, İrlandiya və Türkiyədən dəvət olunmuş tədqiqatçılar, həmçinin yerli mütəxəssislər geniş təqdimatlarla çıxış edib, iştirakçıların suallarını cavablandırıb.

Konfrans çərçivəsində həmçinin qala konserti də baş tutub. Bədii-musiqili konsert proqramında “Mavi ürəklər” inklüziv musiqi qrupunun iştirakı ilə maraqlı və məzmunlu səhnə performansı nümayiş etdirilib.

Konfransın sonunda iştirakçılara sertifikatlar təqdim edilib, xatirə şəkilləri çəkdirilib.

Qeyd edək ki, konfrans Elm və Təhsil Nazirliyi, Səhiyyə Nazirliyi, Gənclər və İdman Nazirliyi, Əmək və Əhalinin Sosial Müdafiəsi Nazirliyi, Ailə, Qadın və Uşaq Problemləri üzrə Dövlət Komitəsi, İcbari Tibbi Sığorta üzrə Dövlət Agentliyi, TƏBİB, İctimai Səhiyyə və İslahatlar Mərkəzi, Medianın İnkişafı Agentliyi, Heydər Əliyev Fondu, Heydər Əliyev Mərkəzi, “Regional İnkişaf” İctimai Birliyi, “Birgə v00ə Sağlam” İctimai Birliyi, NEQSOL Holding, Bakı Slavyan Universiteti, Azərbaycan Dövlət Pedaqoji Universiteti, Xəzər Media Mərkəzi və Azərbaycan Pediatriya Cəmiyyətinin tərəfdaşlığı, "Azərbaycan Hava Yolları" QSC, bp şirkəti, Birbank və “SARDA Group”un sponsorluğu, “Atashgah” İncəsənət Mərkəzi, IBAO, DePromo, Özsüt, “İnklüziv İnkişafa Dəstək Mərkəzi”, “Kashalata” kafe, PM Akademiya, “Birlik” İctimai Birliyi, “Umid var” İnklüziv Yaradıcılıq Birliyi və “SBS” şirkətinin dəstəyi ilə keçirilib.

FOTO