Ekoloji problemlərin həllində innovativ texnologiyaların tətbiqi; İqlim dəyişikliyi təsirlərinin azaldılmasında icma təşəbbüsləri və təbliğat tədbirləri; Biomüxtəlifliyin qorunması və ya bərpası; Tullantıların minimuma endirilməsini (sıfır tullantı) və ya təkrar emalını təmin edən təcrübələrin və texnologiyaların tətbiqi; Ekoloji tarazlığın qorunmasında aqro-meşəçilik təcrübələrinin tətbiqi; Qlobal iqlim dəyişikliklərində antropogen təsirlərinin azaldılması üçün alternativ əkinçilik texnologiyalarının tətbiqi; İqlim dəyişmələrinin kənd təsərrüfatına mənfi təsirlərinin idarə olunmasında maarifləndirmə tədbirləri; Yüksək temperatur, yağıntıların dəyişməsi və ekstremal hava hadisələrinin tezliyinin məhsulların məhsuldarlığına və keyfiyyətinə təsirləri; Sağlam qida mədəniyyətinin formalaşdırılması; Su mənbələri və resurslarından qənaətlə istifadənin təşviqi və bu kimi digər vacib mövzularda hazırlanması təklif edilən layihələr avqustun 31-dək onlayn qaydada qəbul ediləcək.

Qeyd edək ki, şərtlərə əsasən 5 əsas və 3 ehtiyat olmaqla VI-IX siniflərdə təhsil alan 8 nəfər şagirddən ibarət komanda ilə qeydiyyatdan keçmiş hər məktəb müsabiqəyə yalnız bir layihə təqdim edə bilər.

Layihələr Təşkilat Komitəsi tərəfindən iqlim dəyişikliyinin ətraf mühitə və uşaqların sağlamlığına mənfi təsirlərinin azaldılmasına zəmin yaradılması, nəzərdə tutulan fəaliyyətlərin real və icrasının mümkünlüyü, problemin həllində yaradıcı və innovativ yanaşmalara üstünlük verilməsi, maliyyə səmərəliliyi və digər meyarlar əsasında qiymətləndiriləcək. Ən uğurlu 5 layihə seçiləcək və qalib komandalara layihənin icrası üçün büdcə məbləğində pul mükafatı veriləcək.

Layihə Ekologiya və Təbii Sərvətlər Nazirliyi, Kənd Təsərrüfatı Nazirliyi, Səhiyyə Nazirliyi, Ailə, Qadın və Uşaq Problemləri üzrə Dövlət Komitəsi, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi, Azərbaycan Qida Təhlükəsizliyi İnstitutu, Səhiyyə Nazirliyinin İctimai Səhiyyə və İslahatlar Mərkəzi, Su və Meliorasiya Elmi Tədqiqat İnstitutu, Azərbaycan Sənaye Korporasiyası, ADA Məktəbi, Azərbaycan Mühəndislik Akademiyasi və “AzerGold” QSC-nin dəstəyi ilə icra olunur.