Zəfər Günü münasibətilə ağacəkmə aksiyası keçirilib
44 günlük Vətən müharibəsində Prezident, Müzəffər Ali Baş Komandan İlham Əliyevin rəhbərliyi altında Azərbaycan Ordusunun qazandığı şanlı Zəfərimizin üçüncü ildönümü münasibətilə Bakı Şəhər İcra Hakimiyyəti və “Regional İnkişaf” İctimai Birliyi (RİİB) tərəfindən ağacəkmə aksiyası keçirilib.
Paytaxtın Nərimanov rayonundakı Məmməd Araz və Aşıq Molla Cümə küçələri
boyunca olan ərazidə təşkil edilmiş genişmiqyaslı ağacəkmə aksiyasında icra
hakimiyyətinin əməkdaşları, struktur bölmələrin işçiləri və RİİB-in könüllüləri
tərəfindən Abşeron yarımadasının torpaq-iqlim şəraitinə uyğun 500 ədəd şam
ağacı əkilib.
Mövsüm
ərzində Bakı şəhərinin yaşıllaşdırılması, yaşıllıqlara qulluq və abadlıqla
bağlı işlərin davam etdirilməsi nəzərdə tutulub.
Zəfər bayramı
münasibəti ilə keçirilən iməclik bu ərazidə ekoloji tarazlığın bərpası və
ərazinin gözəlləşməsi istiqamətində görülən işlərin davamıdır.
Aksiya zamanı
əkilən ağaclara gələcəkdə qulluq göstərilməsi üçün suvarılma məsələlərin həll
edilib, cavabdehlər müəyyənləşdirilib.
Mövsüm ərzində Bakı şəhərinin yaşıllaşdırılması, yaşıllıqlara qulluq və abadlıqla bağlı işlərin davam etdirilməsi nəzərdə tutulur.