Konfransda iştirak üçün müraciətlərin qəbuluna start verilir. Elmi məqalələrin qəbulu aprelin 21-dək davam edəcək.

Konfransın elm komitəsi tərəfindən müsbət dəyərləndirilən məqalələr dünyanın 30-a yaxın elmi bazasında indekslənəcək.

Ətraflı məlumatı www.conferences.az saytından əldə edə bilərsiniz.

Qeyd edək ki, konfransa təqdim edilən məqalələrin dəyərləndirilməsi üçün dünyanın nüfuzlu universitetlərinin professorlarını özündə birləşdirən beynəlxalq elm komitəsi, konfransın ərsəyə gəlməsi üçün təşkilati və digər məsələlərlə bağlı isə dünyanın dörd bir tərəfindən beynəlxalq təcrübələrə sahib şəxslərdən ibarət beynəlxalq təşkilat komitəsi və beynəlxalq katibliyi fəaliyyət göstərir. Bundan əlavə dünyanın qabaqcıl ali təhsil ölkələrinin universitetləri konfransın əsas tərəfdaşlarındandır. Böyük Britaniyanın Portsmouth Universiteti, İsveçrənin Tətbiqi Elmlər və İncəsənət Universiteti (HES-SO), Türkiyənin İstanbul Universiteti, Malaziyanın Malaya Universiteti, Qırğızıstanın Qırğız-Türk Manas Universiteti konfransın tərəfdaşları sırasındadır.