“Regional İnkişaf” İctimai Birliyinin könüllüləri Azərbaycan Könüllülərinin V Həmrəylik Forumunda iştirak edib
Azərbaycan Respublikasının Gənclər və İdman Nazirliyinin, ASAN Xidmət və Azərbaycan Gənclər Fondunun dəstəyi, Azərbaycan Könüllü Təşkilatları İttifaqının təşkilatçılığı ilə 5 Dekabr – Beynəlxalq Könüllülər Günü münasibətilə Bakı Konqres Mərkəzində “Azərbaycan Könüllülərinin V Həmrəylik Forumu” keçirilib.
Forum “Regional İnkişaf” İctimai
Birliyinin də təmsil olunduğu sərgi ilə başlayıb. Sərgi zamanı təşkilatların
fərdi stendlərində Azərbaycan könüllülərinin müxtəlif sahələrdə fəaliyyəti və
nailiyyətləri ilə bağlı məlumatlar nümayiş olunub.
Tədbirin
rəsmi açılışında Azərbaycan Respublikasının Dövlət Himni səsləndirilib, ölkəmizin
ərazi bütövlüyünün bərpası uğrunda canından keçmiş şəhidlərimizin əziz xatirəsi
bir dəqiqəlik sükutla yad edilib.
Daha
sonra Azərbaycan Respublikasının Gənclər və İdman naziri Fərid Qayıbov
Azərbaycan Respublikasının Prezidenti İlham Əliyevin Forum iştirakçılarına
müraciətini səsləndirib, könüllülərə fəaliyyətlərində uğurlar arzulayıb.
Tədbir çərçivəsində, həmçinin il
ərzində fəallığı və təşəbbüskarlığı ilə fərqlənmiş gənc könüllülər təltif
edilib.
Yekununda Azərbaycan könüllüləri adından Prezident İlham Əliyevə müraciət ünvanlanıb.